ဒီလေ့ကျင့်ခန်းမှာတော့ DC Motor Control အနှေးအမြန်ကို Analog Slider နဲ့ ထိန်းချုပ်ပြီး Speedometer လို ပုံစံမျိုး ဖြစ်အောင် Servo Arm နဲ့ ပြပါမယ်။ UnoArduSim မှာ ပုံတွေကို ပြင်လို့ မရလို့ စိတ်ကူးနဲ့ပဲ မြင်ကြည့်လိုက်ပါ။ ပထမပုံမှာ ပြထားတဲ့ Speedometer လေးကို တစ်နေရာမှာ ကပ်လိုက်ပြီးတော့ Servo Arm ကိုတော့ ညွှန်ပြတဲ့ Pointer တံလေးနဲ့ ချိတ်ထားတယ်လို့ စဉ်းစားကြည့်လိုက်ပါ။

Motor Control ကတော့ Lesson 2.2 က လိုပဲ Analog Slider အောက်ဆုံးရောက်နေရင် ရပ်ပြီး ထိပ်ဆုံးရောက်ရင် အမြန်ဆုံးနှုန်းနဲ့ လည်ပါမယ်။ Speedometer မှာတော့ မော်တာရပ်နေရင် 0% နေရာကို Servo Arm က ပြရပါမယ်။ မော်တာ အပြည့်လည်နေရင် 100%နေရာ၊ အမြန်နှုန်းတစ်ဝက်နဲ့ လည်နေရင် 50% နေရာ၊ စသဖြင့် Servo Arm က ပြပေးရပါမယ်။