Transformerless Power Supply Problems

မြန်မာနိုင်ငံထုတ် ပစ္စည်းတော်တော်များများဟာ Transformerless Power Supply (TPS) Design ကို အသုံးပြုကြတာ သတိထားမိပါတယ်။ အထူးသဖြင့် ဘုရားမီးတွေက အစပေါ့။ သို့သော် TPS Design တွေမှာ အားနည်းချက်တော်တော်များများ ရှိသလို အန္တရာယ်လည်း များလှပါတယ်။ အားနည်းချက်တွေက အောက်ပါအတိုင်းပါ။

  1. No Galvanic Isolation – 230Vac နဲ့ တိုက်ရိုက်ချိတ်ဆက်ထားတဲ့ အတွက် 230Vac နဲ့ Device တွေကြားထဲ Isolation မရှိပါဘူး။ ပြဿနာက Device က Short Circuit ဖြစ်ရင် အိမ် မီးလောင်ပါမယ်။ 230Vac မငြိမ်ရင် ပစ္စည်းခဏလေးပျက်ပါမယ်။ Circuit ကို သေချာလုံခြုံတဲ့ Casing မလုပ်ထားရင် ဓါတ်လိုက်ပါမယ်။
  2. Low Current – Current နည်းနည်းလေးပဲ ထုတ်ယူလို့ ရပါတယ်။ 5V 2A လိုမျိုး မစဥ်းစားနဲ့။
  3. Unstable – ထွက်လာတဲ့ Voltage က တည်ငြိမ်မှု မရှိပါဘူး။ Zener Diode က ဘယ်လောက်ပဲ Stable ဖြစ်အောင်လုပ်လုပ်ပေါ့။
  4. Voltage Fluctuation – C2 ရဲ့ Voltage က အဝင် 230Vac မငြိမ်တိုင်း သူလဲ မငြိမ်တော့ Zener မှာ ပြဿနာတက်ရော။
  5. High Input after rectifications – Bridge Rectifier Diode တွေ အထွက်မှာ သုံးတဲ့ Capacitor Rating တွေက 25-40V DC သုံးကြတာများတယ်။ Zener ကို တော့ မိမိလိုချင်တဲ့ Voltage  5-15V DC အထိ Clamp လုပ်ဖို့ သုံးကြတယ် ဆိုတော့ အနိမ့်ဆုံးနဲ့ အရင် တွက်ကြည့်ရင် 25-5 ဆိုပါက Zener က 20V လောက် Clamp လုပ်ပေးရမှာဖြစ်တယ်။ ဒီအချက်ကပဲ စျေးပေါတဲ့ တရုတ်လုပ်ဖြစ်ဖြစ် မြန်မာလုပ်ဖြစ်ဖြစ် TPS Design တွေ ခဏခဏပျက်တာပေါ့။
  6. Noise And Transients – AC နဲ့ တိုက်ရိုက်ချိတ်ထားတော့ Noise ဝင်တာတော့ အထူးရှင်းပြဖို့ မလိုဘူး။ Output Voltage ထဲကို အဲ့ Noise & Transient တွေ တွဲဝင်သွားရင် SCR တို့ TRIAC တို့ အဝင်တွေမှာ Fault Signal အနေနဲ့ သွားပေးတတ်တယ်။
  7. EMC Test Fail – EMC/EMI Test ကတော့ Pass ဖြစ်စရာ အကြောင်း မရှိဘူး။ စင်ကာပူလိုနေရမျိုးမှာ Safety မအောင်လို့ သုံးခွင့်ကို မရှိဘူး။

TPS Design သုံးရင် ဖြစ်မယ့် ပြဿနာတွေပါ။

သီဟကျော်